თბილისის საქალაქო სასამართლოში 7 ნოემბრის საქმეზე მესამე პრეზიდენტის სასამართლო პროცესი მიმდინარეობს, თუმცა საქმის განხილვას მიხეილ სააკაშვილი ჯანმრთელობის მძიმე მდგომარეობის გამო ვერ დაესწრება. ამიტომაც, სხდომა, სავარაუდოდ გადაიდება.
სააკაშვილის ოჯახის წევრები კი ექპერტიზის დასკვნის გასაჯაროვების მოლოდინშია.
მესამე პრეზიდენტის დედა ამბობს, რომ მისი მდგომარეობა მძიმეა.
„ყოველდღე სუსტდება. წამოდგომა უჭირს, ერთ ნაბიჯს რომ გადადგამს უკვე ქანაობს. სიახლე ის არის, რომ უნდა მიიღონ ლიცენზიები. რაღაცა თითქოს ჩასწორდა, აი ვნახოთ ახლა როდის დაინიშნება სხდომა, რომელიც მე ძალიან მეჩქარება. იმედია რომ ეს ყველაფერი ოპერატიულად იქნება და ალბათ ჩამოვლენ. ორი ადამიანი აპირებს ჩამოსვლას“. – ამბობს ალასანია.
მესამე პრეზიდენტი ახლა ამერიკელი ექსპერტებისთვის ლიცენზიის გაცემის ელოდება. ამაზე კი საბოლოოდ საექსპერტო დასკვნის მომზადებაა დამოკიდებული.
Loading ...
