მიხეილ სააკაშვილი რუსთავის ციხიდან “ვივა მედში” გადაიყვანეს

საქართველოს მესამე პრეზიდენტი მიხეილ სააკაშვილი რუსთავის მე-12 სასჯელაღსრულების დაწესებულებიდან კლინიკა “ვივა მედში” გადაიყვანეს. კლინიკაში იმყოფება მიხეილ სააკაშვილის დედა, გიული ალასანია, რომელი, სავარაუდოდ, გამოკვლევების დასრულებამდე შვილთან იქნება.

კლინიკის მიმდებარედ საქართველოს მესამე პრეზიდენტს მხარდამჭერები, ახლობლები ა მეგობრები ტაშით დახვდნენ.

ცნობისთვის, კლინიკაში გამოკვლევებზე გადაყვანა მას იუსტიციის მინისტრმა გუშინ შესთავაზა. ბრეგაძემ თქვა, რომ მიხეილ სააკაშვილს გაუკეთდება შეთავაზება რომ გაყვანილ იქნეს კლინიკა ვივა მედში. რაზეც მესამე პრეზიდენტმა დაასახელა გარკვეული დათქმები, რომელთა შესრულების შემთხვევაშიც, კლინიკა “ვივა მედში” გადაყვანას დათანხმდებოდა.

იუსტიციის სამინისტრომ უკვე დღეს განაცხადა, რომ მიხეილ სააკაშვილთან კლინიკაში მნახველების დაშვება უზრუნველყოფილი იქნება კანონმდებლობის და სამედიცინო პერსონალის რეკომენდაციების შესაბამისად.
რაზეც, მიხეილ სააკაშვილი კლინიკა “ვივა მედში” გადაყვანას დათანხმდა.

www.mtavari.tv