სტამბოლის სკოლებსა და უნივერსიტეტებში სწავლა ორი დღით გაუქმდა, რაც ქალაქში დღეს დილით მომხდარ 6.2 მაგნიტუდის სიმძლავრის მიწისძვრას უკავშირდება. ინფორმაციას თურქული გამოცემა Ekonomist-ი ავრცელებს.
ქვეყნის განათლების მინისტრ იუსუფ ტეკინის განცხადებით, სკოლებსა და უნივერსიტეტებში ხუთშაბათსა და პარასკევს სასწავლო პროცესი არ გაიმართება. მისი განმარტებით, უსაფრთხო შენობების საჭიროებიდან გამომდინარე, ბაღების, სკოლებისა და უნივერსიტეტების შენობებს მოქალაქეთა შესაფარებლად გამოიყენებენ.
Hurriyet-ის ცნობით, 151 ადამიანი დაშავდა შენობიდან გადახტომის შედეგად, თუმცა სიცოცხლისთვის საშიში დაზიანება არც ერთ მათგანს მიუღია.
ძლიერი ბიძგების მიუხედავად, თურქული მედია მსხვერპლისა და დაზიანებული შენობების შესახებ ამ დრომდე არ აქცენტირებს, იმედისმომცემია პრეზიდენტ ერდოღანის მესიჯიც: „საბედნიეროდ, როგორც ჩანს, შემაშფოთებელი ვითარება არ გვაქვს“.
Loading ...