მეცნიერებმა გამოავლინეს ალცჰაიმერის დაავადების გადამდები ფორმის შემთხვევები, რომელიც ადამიანებს ამილოიდური ცილის პათოგენური ფორმის საშუალებით გადაეცემა.
ჟურნალ Nature Medicine-ში გამოქვეყნებული კვლევის შედეგების მიხედვით, პრიონის ინფექციასთან დაკავშირებული ნეიროდეგენერაციული დაავადება სამედიცინო ჩარევის შემდეგ იქნა შეძენილი, პირველი სიმპტომების გამოვლენამდე დიდი ხნით ადრე.
ალცჰაიმერის დაავადების დიაგნოზის მქონე პაციენტებმა მიიღეს ადამიანის ჰიპოფიზის ჯირკვლიდან გამოყოფილი ზრდის ჰორმონი. ეს მეთოდი გამოიყენებოდა 1985 წლამდე ბრიტანეთში დაბალი სიმაღლის, სულ მცირე, 1848 ადამიანის სამკურნალოდ, რის შემდეგაც აღნიშნულ მეთოდზე უარი თქვეს პათოგენური პრიონებით ინფექციის რისკის გამო.
ადრე მეცნიერებმა დაადგინეს, რომ ადამიანებს, რომლებიც ამ პროცედურის შედეგად დაინფიცირდნენ პრიონებით, განუვითარდათ ბეტა-ამილოიდური დეპოზიტები, ისევე როგორც ცერებრალური ამილოიდური ანგიოპათია, რაც ალცჰაიმერის დაავადებისას ვლინდება. ბეტა-ამილოიდური დეპოზიტები გამოვლინდა მშობიარობის შემდგომ დონორებშიც, რაც მიუთითებს ზრდის ჰორმონის მეშვეობით რამდენიმე პათოგენის გადაცემაზე.
ახალ ნაშრომში მკვლევარებმა აღწერეს რეციპიენტები, რომლებიც არ დაინფიცირდნენ პრიონის დაავადებით, მაგრამ დაეწყოთ დემენციის სიმპტომები, რომელსაც თან ახლავს ალცჰეიმერის დაავადების მარკერების გამოვლენა. ეს შემთხვევები მიუთითებს იმაზე, რომ ალცჰაიმერის დაავადება, ისევე როგორც პრიონის ინფექციები, არის იატროგენული, ანუ ის არ ჩნდება სპონტანურად ან მემკვიდრეობითობის გამო, არამედ შეძენილია, როდესაც გარემოდან აგენტები შედიან სხეულში.
მიუხედავად იმისა, რომ იატროგენული ალცჰაიმერის დაავადება, სავარაუდოდ, იშვიათია და არ არსებობს საფუძველი იმის დასაჯერებლად, რომ ბეტა-ამილოიდი შეიძლება გადაეცეს ადამიანებს შორის ყოველდღიურ ცხოვრებაში, ავტორები ასკვნიან, რომ საჭიროა ზომების მიღება შემთხვევითი სამედიცინო და ქირურგიული პროცედურების საშუალებით გადაცემის თავიდან ასაცილებლად.
Loading ...