“მერცხალმა” მოიგო და ლიგაში ადგილი შეინარჩუნა

საქართველოს საფეხბურთო ჩემპიონატის მეოთხე ლიგის 29 ტურში, ოზურგეთის “მერცხალმა”   ბოლო საშინაო შეხვედრა გამართა.

ოზურგეთელთათვის ამ მატჩს პრინციპული მნისვნელობა ქონდა. გამარჯვების შემთხვევაში ოზურგეთელი ფეხბურთელები ერთი ტურით ადრე გარანტირებულად შეინარჩუნებდნენ ადგილს მეოთხე ლიგაში.

ოზურგეთელთა სასახელოდ უნდა ითქვას, რომ მათ შესანიშნავად გაართვეს თავი დასახულ ამოცანას და ერთ-ერთი უშუალო მეტოქე, “სამგურალი 2” ანგარიშით 5-3 დაამარცხეს.

ოზურგეთელთაგან ორ-ორი გოლი გიორგი კაშიამ და ნიკოლოზ მარშანიშვილმა გაიტანეს, ერთი კი გიორგი ჭანუყვაძემ.

ამ გამარჯვებით “მერცხალმა” 36 ქულა დააგროვა და საბოლოოდ დააღწია თავი გასავარდნ ზონას.

წლევანდილი სეზონის ბოლო შეხვედრას “მერცხალი” 26 ნოემბერს სტუმრად ვანში, “სულორთან” გამართავს.

აღნიშნული მატჩი დირექტორის რანგში პირველი იყო ლაშა ლექვინაძისთვის, რომელიც კლუბის წინაშე გუშინ წარადგინეს. როგორც ლაშა ლექვინაძემ ”გურიაTV”-თან განაცხადა, კლუბში დიდი გეგმები აქვს, რაც უკავშირდება, როგორც ძირითად გუნდს, ასევე ბავშვთა ფეხბურთს. ”შევძლებთ, ”მერცხალს” ძველი დიდება დავუბრუნოთ” – აღნიშნა ლაშა ლექვინაძემ.