“მერცხალმა” და “გურიამ” თითო-თითო ქულა მოიპოვეს

საქართველოს საფეხბურთო ჩემპიონატის მეოთხე ლიგაში, დღეს მორიგი ტურის მატჩები გაიმართა.

თავისი შეხვედრეbს გამართეს გურიის გუნდებმა.

ოზურგეთის “მერცხალმა” საკუთარ მოედანზე “სულორს” უმასპინძლა.

შეხვედრა, რომელიც ოზურგეთის ცენტრალურ სტადიონზე გაიმართა საკმაოდ დაძაბული გამოდგა. სტუმრები ორჯერ დაწინაურდნენ, თუმცა ოზურგეთელებმა ორივეჯერ შეძლეს გათანაბრება. საბოლოოდ 2-2. გოლები “მერცხალის” შემადგენლობაში დავით ბოლქცაძემ და ნოდარ სურგულაძემ გაიტანეს.

სტუმრად ითამაშა “გურიამ”, რომელიც “არაგველებს” შეხვდა.

აქაც დაძაბული შეხვედრა გამოდგა და იგივე ანგარიშით დასრულდა, რაც ოზურგეთში – 2:2.

ლანჩხუთელებისგან ორივე გოლი ვანო წილოსანმა გაიტანა.

ამ მომენტისთვის  “გურიას” 34 ქულა აქვს და  პირველ ადგილზე იმყოფება, მეორე ადგილზე მყოფ “ალგეთს” თავისი შეხვედრა ჯერ არ გაუმართავს (20 საათზე დაიწყება). “მერცხალს” 18 ქულა აქვს  და მეცხრე ადგილზეა.