“მერცხალმა” და “გურიამ” დღეს თავიანთი შეხვედრები მოიგეს

საქართველოს საფეხბურთო ჩემპიონატის მეოთხე ლიგაში, დღეს მორიგი ტურის მატჩები გაიმართა.

წარმატებით იასპარეზეს გურიის გუნდებმა.

ოზურგეთის “მერცხალი” სტუმრად, აბაშაში “ზანას” შეხვდა. მატჩი ოზურგეთელების უპირატესობით წარიმართა, შეხვედრის პირველ ტაიმში, 23-ე წუთზე “მერცხალი” ნიკოლოზ მარშანიშვილმა დააწინაურა. მეორე ტაიმში, 72 წუთზე დავით ბოლქვაძემ მეორე გოლი გაიტანა აბაშელთა კარში. “ზანამ” მხოლოდ ერთი გოლის გაქვითვა შეძლო. 84-ე წუთზე გოლი გიორგი შენგელიმ გაიტან.  საბოლოოდ მატჩი მერცხალის გამარჯვებით დასრულდა, ანგარიშით 1-2.

საკუთარ მოედანზე გაიმარჯვა ლანჩხუთის “გურიამ”. მან ხაშურის “ივერია” იგივე ანგარიშით, 2-1 დაამარცხა.

თავიდან, 43-ე წუთზე “გურია” ვანო შარვაძემ დააწინაურა. მეორე ტაიმში, 77-ე წუთზე ზაურ კაპანაძემ გაათანაბრა. შეხვვედრის ბოლოს, დამატებით 94-ე წუთზე ვაჟა შანიძემ გამარჯვება მოუტანა “გურიას”.

17 ტურის შემდეგ  “გურიას” 37 ქულა აქვს და  მეორე ადგილზე იმყოფება, “მერცხალი” 21 ქულით  მეათე ადგილზეა.