“მერცხალი” მეოცე ტურის შეხვედრას მასპინძლობს – ხვალ გურიის საფეხბურთო გუნდები მორიგ მატჩებს გამართავენ

საქართველოს საფეხბურთო ჩემპიონატის მეოთხე ლიგაში, ხვალ მორიგი ტურის მატჩები გაიმართება.

ოზურგეთის “მერცხალი” საკუთარ მოედანზე “გაგრა 2”-ს უმასპინძლებს.

ლანჩხუთის “გურია”  კი სტუმრად, “იბერია 2020”-ს შეხვდება.

შეხვედრა “ოზურგეთის” ცენტრალურ სტადიონზე 16 საათზე გაიმართება.

შეგახსენებთ, რომ წინა ტურში “გურიამ” “მაჭახელა” გაანადგურა, ანგარიშით 10-0.

ხოლო “მერცხალი” სტუმრად, მარტვილში “მერანი 2”-თან დამარცხდა, 2-0.

19 ტურის შემდეგ  “გურიას” 41 ქულა აქვს და  პირველ ადგილზე იმყოფება, “მერცხალი” 22 ქულით  მეათე ადგილზეა.