„მერცხალი“ გათამაშების ლიდერთა შორის – ოზურგეთელების მეორე გამარჯვება მეოთხე ლიგაში

საქართველოს საფეხბურთო ჩემპიონატის მეოთხე ლიგაში დღეს მესამე ტურის მატჩები გაიმართა.

ოზურგეთის “მერცხალი” სტუმრად “კოლხეთი 1913-2”-ს დაუპირისპირდა და დაძაბულ შეხვედრაში გაიმარჯვა.

უგოლო პირველი ტაიმის შემდეგ, ოზურგეთელებმა ანგარიში 50 წუთზე, ლაშა კოტრიკაძის 11 მეტრიანით გახსნეს. ფოთელებმა 4 წუთში, ნიკოლოზ ჭედიას გოლით უპასუხეს. 69 წუთზე კვლავ ოზურგეთელებმა იმარჯვეს და კოკა შენგელიამ “მერცხალი” წინ გაიყვანა.

ამის შემდეგ ანგარიში აღარ შეცვლილა. ოზურგეთელებმა გაიმარჯვეს, 2-1.

სამი ტურის შემდეგ “მერცხალს” 6 ქულა აქვს და ლაივ ცხრილში ახლა მესამე ადგილზე იმყოფება.

მესამე ტური წარმატებული აღმოჩნდა მეოთხე ლიგაში მოასპარეზე გურიის გუნდებისთვის. გუშინ საკუთარ მოედანზე ჩოხატაურის “ბახმარომ” დიდი ანგარიშით, 5-0  გაიმარჯვა.

ბახმაროს 3 ქულა აქვს და მე-12 ადგილზე იმყოფება.

მომდევნო ტურის შეხვედრები 22 აპრილს გაიმართება. “მერცხალი” საკუთარ მოედანზე “ვიტ ჯორჯია 2”-ს უმასპინძლებს, ხოლო “ბახმარო” სტუმრად “ბორჯომს” შეხვდება.

შეხვედრა ოზურგეთის ცენტრალურ სტადიონზე 16 საათზე დაიწყება.