„ვივამედის“ გენერალურმა დირექტორმა, ნინო ნადირაძემ, ტელეკომპანია „იმედის“ ეთერში ექსპრეზიდენტ მიხეილ სააკაშვილის კლინიკაში შეყვანისა და „ვივამედის“ პერსონალის მიმართ გაჟღერებული ბრალდებების შესახებ ისაუბრა.
ნადირაძის თქმით, სააკაშვილმა უთხრა რომ ყურადღება არ მიაქციონ იმ ბრალდებებს რასაც კლინიკის მისამართით აჟღერებენ.
ამასთან, ნადირაძის თქმით, მიხეილ სააკაშვილის მხრიდან აგრესიული გამოვლინებები ხშირი არ არის.
„ხშირი ნამდვილად არ არის, ვერ ვიტყვი რომ ეს ხშირი მოვლენაა, იქ წინაპირობა ის იყო რომ სასამართლო პროცესის ჩატარების მცდელობა როცა იყო პალატაში, ამას მოჰყვა მისი მხრიდან აგრესიული გამოვლინება. ზოგადად პერსონალის მიმართ არის ინციდენტები და ამაზე მე არ ვისაუბრებ, რადგან ჩემი მხრიდან იქნება სავსებით არასწორი იქნება. იმიტომ რომ ის არის პაციენტი. ჩვენთვის ფიზიკურ შეურაცხყოფაზე უარესია შეურაცხყოფების ის კასკადი, რასაც ამ პაციენტის შემოყვანის დღიდან ჩვენი კლინიკის ყველა თანამშრომელი განიცდის, რომ ჩვენ ვართ მკვლელები, მას ვწამლავთ და ასე შემდეგ.
ეს იცით ეს როგორი ძნელი მოსასმენია. მე მას პირადად ვეუბნები ხოლმე და მასთან მშვენიერი კომუნიკაცია მაქვს. ვეუბნები რა დავაშავეთ თქვენ ხომ მაინც იცით მეთქი? რატომ გვერჩიან ასე. მითხრა რომ ნუ მიაქცევ ყურადღებას იქ რასაც წერენ. მე არავისთვის არაფერი დამივალებიაო.
არ ვიცი ვის რა დაავალეს. ვამშვიდებ ჩემს თანამშრომლებს რომ ყურადღება არ მიაქციონ. მათ დამშვიდება სჭირდებათ ყოველდღიურ რეჟიმში, იმიტომ რომ კოლოსალური ზეწოლის ქვეშ ვიმყოფებით“, – აცხადებს ნინო ნადირაძე.
Loading ...