მდინარაძე: ნახევარი დღით ადამიანი თუნდაც პირად საქმეზე სად წავა, მედიის განსჯის საგანი არ უნდა იყოს

პარლამენტის თავმჯდომარის არჩილ თალაკვაძის იტალიაში, კომოს ტბაზე დასასვენებლად წასვლის შესახებ მედიაში გავრცელებულ ინფორმაციაზე საუბრობს ფრაქცია „ქართული ოცნების“ თავმჯდომარე მამუკა მდინარაძე.

„ნახევარი დღის განმავლობაში ადამიანი თუნდაც პირად საქმეზე სად წავა, მე მგონია, რომ ეს მედიის სასიუჟეტო განსჯის საგანი არ უნდა იყოს და ამას სპეკულაციები არ უნდა მოჰყვეს. მას [არჩილ თალაკვაძეს] არ უარყვია რაიმე კონკრეტული დეტალები და არ მგონია, რომ სპეკულაციები ამასთან დაკავშირებით, რომ ნახევარი დღე ადამიანი, სადმე წავიდა თუ არ წავიდა, ამას შეიძლება მოჰყვეს. – უთხრა „მთავარ არხს“ მდინარაძემ. .

„მთავარი არხის“ და ტელეკომპანია „ფორმულის“ ინფორმაციით, თბილისის მერი კახა კალაძე და პარლამენტის თავმჯდომარე არჩილ თალაკვაძე კომოს ტბაზე მეგობრის დაბადების დღის აღსანიშნავად იმყოფებოდნენ.

პარლამენტის წევრი „ევროპული საქართველოდან“ გიორგი კანდელაკი არჩილ თალაკვაძეს თვითმფრინავის ბილეთის გამოქვეყნებისკენ მოუწოდებს. კანდელაკი ეჭვქვეშ აყენებს პარლამენტის თავმჯდომარის განცხადებას იმის შესახებ, რომ კომოს ტბაზე არ ყოფილა და სოციალურ ქსელ ფეისბუკში წერს, რომ 21 ნოემბერს, მან არჩილ თალაკვაძესა და გიგი წერეთელთან ერთად იფრინა სტამბოლიდან თბილისში

არჩილ თალაკვაძემ 22 ნოემბერს გამოქვეყნებულ ვიდეომიმართვაში განაცხადა, რომ „მთავარმა არხმა“ და „ფორმულამ“ მასზე გაავრცელეს დეზინფორმაციული, „უკიდურესად პოლიტიკური და მიკერძოებული სიუჟეტი“, რომელშიც საუბარი იყო იმაზე, რომ პარლამენტის თავმჯდომარე დასასვენებლად იტალიაში, კომოს ტბაზე იმყოფება: „სინამდვილეში, როგორც ხედავთ, მე ახლა ვარ საქართველოს პარლამენტში ჩემს სამუშაო ოთახში და მაქვს ჩვეულებრივი სამუშაო დღე“, – განაცხადა არჩილ თალაკვაძემ.

www.radiotavisupleba.ge