IDFI-ს მონაცემებით, მარტი-ივნისში საქართველოში დარჩა (შემომსვლელთა და გამსვლელთა სხვაობა), რუსეთის 49,505 და ბელორუსის 15,237 მოქალაქე, ჯამში 64,742 ადამიანი.
კვლევაში აღნიშნულია, რომ საქსტატის გამოკითხვის შედეგების მიხედვით, 2022 წლის საწყისი 6 თვის განმავლობაში, 2019 წლის იგივე პერიოდთან შედარებით, დაახლოებით გაორმაგდა რუსეთის მოქალაქეების მიერ განხორციელებული ვიზიტებისას გათეული ღამეების საშუალო რაოდენობა.
ამასთან, 2022 წლის მეორე კვარტალში, 2019 წლის იგივე პერიოდთან შედარებით, დასვენების, გართობის და რეკრეაციის მიზნით ვიზიტორთა პროცენტული წილი 58%-დან 45%-მდე შემცირდა, ხოლო მეგობრების და ნათესავების მონახულებისთვის ჩამოსულთა წილი 15%-დან 20%-მდე გაიზარდა.
კვლევის მიხედვით, 2022 წლის მარტი-ივნისის პერიოდში საქართველოში შემოსვლაზე უარი ეთქვა რუსეთის 3,036 მოქალაქეს, უკრაინის 135 მოქალაქეს და ბელორუსის 41 მოქალაქეს.
შეგახსენებთ, IDFI მიერ პირველ სექტემბერს გამოქვეყნებული კვლევის თანახმად, რუსეთის უკრაინაში შეჭრის შემდეგ, საქართველოს მოქალაქეობა საგამონაკლისო წესით რუსეთის 551-მა და უკრაინის 8 მოქალაქემ მიიღო. 2022 წლის პირველ 7 თვეში კი საქართველოს მოქალაქეობა რუსეთის 723 მოქალაქეს მიენიჭა (მოქალაქეობის აღდგენის შემთხვევების გარდა).
Loading ...