მარნეულის მუნიციპალიტეტის სოფელ ყიზილაჯლოში სუპერმარკეტი „მაგნიტი“ კვლავ გაძარცვეს20 ივნისს, გამთენიისას, დაახლოებით 5 საათზე, უცნობმა პირებმა ქვებით ჩაამტვრიეს სუპერმარკეტის მინები და მაღაზიაში შევიდნენ. შემთხვევის დროს მოიპარეს დიდი რაოდენობით სიგარეტი და ძვირადღირებული ღვინის ბოთლი.
არსებული ინფორმაციით, ამ ეტაპზე ინციდენტთან დაკავშირებით არავინ დაუკავებიათ.
აღსანიშნავია, რომ ეს უკვე მერვე შემთხვევაა, როდესაც სოფელ ყიზილაჯლოში სუპერმარკეტ “მაგნიტს” ძარცვავენ. ერთი შემთხვევის დროს, მძარცველებმა მაღაზიის შიგნით განთავსებული „PayBox“-ის გადახდის ტერმინალიდან 10 ათასი ლარი მოიპარეს, მეორე ინციდენტის დროს კი ტერმინალი მთლიანად წაიღეს. აღსანიშნავია, რომ ბოლო ქურდობა მიმდინარე წლის 18 იანვარს მოხდა , რა დროსაც მაღაზიის წინ განთავსებული გენერატორი მოიპარეს.
Loading ...