საპარლამენტო უმრავლესობის ლიდერის მამუკა მდინარაძის განცხადებით, პირი, რომელიც დეპუტატ ანრი ოხანაშვილის შეურაცხყოფისთვის დააკავეს, 2014 წლამდე ზესტაფონში „ქართული ოცნების“ ახალგაზრდული ორგანიზაციის წევრი იყო, „დღეს „ლელოს“ აქტივისტია“. თუმცა, მათ პირადი ნაცნობობა არ აკავშირებთ.
„ანრი ოხანაშვილს არანაირი პირადი კვეთა არ ჰქონია. უბრალოდ, პიროვნული გაღიზიანების და სიმთვრალის გამო მიაყენა მცირეწლოვან ბავშვებს მძიმე შეურაცხყოფა და დაემუქრა“, – განაცხადა მამუკა მდინარაძემ.
მისი სიტყვებით, მოსისხლე მტრებიც კი ოჯახის წევრების თანდასწრებით ასე არ იქცევიან.
„ამას არანაირი მნიშვნელობა არ აქვს. მოსისხლე მტრები რომ ხვდებიან ერთმანეთს საქართველოში, თუ ცოლ-შვილთან ერთად არიან, ერთმანეთს არ ერჩიან“, – ამბობს მამუკა მდინარაძე.
იგი გაუგონარს უწოდებს მცირეწლოვანი ბავშვების წინაშე მამის შეურაცხყოფას.
„ანრისთან დღეს რამდენჯერმე მქონდა კომუნიკაცია და ერთ-ერთ ბავშვს ფსიქოლოგის დახმარებაც კი სჭირდება, იმდენად მძიმე მდგომარეობაშია. წარმოიდგინეთ, რომ ამ დანაშაულზე თუ უდანაშაულობაზე უნდა ვილაპარაკოთ მთელი კვირის განმავლობაში. გაუგონარი სისასტიკე და გაუგონარი დანაშაულია“, – აცხადებს მამუკა მდინარაძე.
www.radiotavisupleba.ge
Loading ...
