მაია ასათიანი რუსთავი 2-ს ტოვებს. გადაცემა პროფილი დღეს, 25 მარტს, 22:00 საათზე ბოლოჯერ გავა.
“მე დღეს აქ, ამ არხზე, ჩემს 20-წლიან ისტორიას ვასრულებ, ბოლო გავდივარ, იმიტომ, რომ აქ იმ სინათლეს, წლების წინ მთელი საქართველოს მთავარი იმედი რომ იყო, ვეღარ ვხედავ, დღეს ბოლო პროფილია” – ამბობს მაია ასათიანი პრომო ვიდეოში, რომელიც გადაცემის ოფიციალური გვერდიდან უკვე წაშლილია, თუმცა, Facebook-ზე მაინც ვრცელდება.
რუსთავი ორი 2019 წლის 18 ივლისს ქიბარ ხალვაშს გადაეცა, იმავე დღეს, ხალვაშმა ტელეკომპანიის დირექტორის პოსტიდან გადააყენა ნიკა გვარამია და მის ნაცვლად თავისი ადვოკატი, პაატა სალია დანიშნა. ტელეკომპანიიდან წასულმა თანამშრომლებმა ტელეკომპანია მთავარი არხი დააფუძნეს. ნაწილი კი, კვლავ რუსთავი 2-ზე დარჩა.
5 მარტს ტელეკომპანიაში რეორგანიზაცია გამოცხადდა, რის შემდეგაც ცნობილი გახდა, რომ რუსთავი 2 და Prime Time მედიაჰოლდინგად ყალიბდება.
Loading ...