ლიზა იასკომ განაცხადა, რომ მისი ახალშეძენილი შვილის მამა მიხეილ სააკაშვილია

ბავშვთა დაცვის დღეს, უკრაინის რადას 32 წლის დეპუტატმა ლიზა იასკომ გამოაცხადა, რომ დედა გახდა. მისი შვილის მამა საქართველოს ექს-პრეზიდენტი მიხეილ სააკაშვილია.

ქალმა ახალ სტატუსს სოციალურ ქსელში ვრცელი პოსტი მიუძღვნა, რომელშიც ბავშვს უკრაინული ფესვები და მამის უკრაინული გაგრძელება უწოდა.

ზუსტად როდის დაიბადა ბავშვი, მისი სქესი, ისევე როგორც სახელი იასკო არ დაუკონკრეტებია. მისი გზავნილიდან მხოლოდ ის ირკვევა, რომ ბავშვი ომის დროს დაიბადა. „ვერასდროს წარმოვიდგენდი, რომ ჩემი შვილი დაიბადებოდა ჩვენი ქვეყნისთვის ომის ამ საშინელ რეალობაში“, – თქვა მან.

ამის შესახებ ინფორმაციას უკრაინული გამოცემა Unian აქვეყნებს.