ლიეტუვამ 74, ლატვიამ 16, ესტონეთმა 55 ქართველ მაღალჩინოსანს სავიზო სანქციები დაუწესა

ლიეტუვამ 74, ლატვიამ 16, ესტონეთმა 55 ქართველ მაღალჩინოსანს სავიზო სანქციები დაუწესა

სიაში მოხვდნენ პროკურორები, მოსამართლეები, პოლიციის მაღალჩინოსნები, პარლამენტის დეპუტატები და სხვები. დასანქცირებულების ზუსტი ვინაობა ჯერ უცნობია.

“ლიეტუვამ 74 ქართველი მაღალჩინოსანი დაამატა მოგზაურობის აკრძალვის სიაში საქართველოში ადამიანის უფლებების მძიმე დარღვევისა და რეპრესიების გამო. ჩვენ ვდგავართ ქართველი ხალხის გვერდით დემოკრატიისა და ევროპული მომავლისკენ”, – წერს X-ზე ლიეტუვის საგარეო საქმეთა მინისტრი, კესტუტის ბუდრისი.

“ლატვიის პერსონა ნონ გრატას სიაში საქართველოს 16 მოქალაქე დავამატე და შეუზღუდავი ვადით ავუკრძალე ლატვიაში შემოსვლა. ეს გადაწყვეტილება მიღებულ იქნა იმიგრაციის კანონის 61(2) მუხლის შესაბამისად”, – წერს X-ზე ლატვიის საგარეო საქმეთა მინისტრი, ბაია ბრაჟე.

“ხელი მოვაწერე ბრძანებას, რომლითაც ესტონეთი 55 ქართველ პროკურორს, მოსამართლეს, პოლიციის მაღალჩინოსანს, დეპუტატს და სხვებს აკრძალავს ქვეყანაში შემოსვლას.

ესტონეთი თანმიმდევრულად აჩვენებს ქართველი ხალხს, რომ ჩვენ მხარს ვუჭერთ მათ ძალისხმევას, მიაღწიონ დემოკრატიულ საქართველოს”, – წერს X-ზე ესტონეთის საგარეო საქმეთა მინისტრი, მარგუს ცაჰკნა.

ესტონეთის მიერ დასანქცირებულ პირთა სიაში არიან მოსამართლეები: ირაკლი ხუსკივაძე, თამარ მჭედლიშვილი, ლელა მარიდაშვილი, ლევან ყოლბაია, დავით მგელიაშვილი, ნანა შამათავა, თეონა ეპიტაშვილი, არსენ კალატოზიშვილი, ლელა კალიჩენკო, დავით კურტანიძე, ირმა ტოგონიძე, გულიკო კაჟაშვილი, ქეთევან ჯაჭვაძე, ნინო თარაშვილი, გიორგი გელაშვილი, ნათია გუდაძე, ნატო ხუჯაძე, ზვიად შარაძე, ირაკლი დგებუაძე, ეკა ბარბაქაძე.

პროკურორები: ვაჟა თოდუა, შმაგი გობეჯიშვილი, ზვიად გუბელაძე, ანა მეტრეველი, გიორგი მუკბანიანი, როინ ხინთიბიძე, თამარ იაკობიძე, ვლადიმერ  თურმანიძე, ნუგზარ (ნუკრი) ჩიტაძე, თორნიკე გოგეშვილი, პაატა ცეცხლაძე, ზაზა მეტონიძე, ნინო სახელაშვილი, მალხაზ ოქროპირაშვილი, ვერა დოლიძე.

პოლიციის მაღალჩინოსნები: გიორგი ჩარექაშვილი, თორნიკე მენაბდე, სულხან კიკნაძე, რევაზ წურწუმია, ზვიად მარგველანი, ზურაბ ჭარიბაშვილი, დავით მარუაშვილი, ოთარ გელაშვილი, ნოდარ ზენაიშვილი, ბერდია ფერაძე.

დასანქცირებულთა შორისაა ბათუმის პოლიციის უფროსი ირაკლი დგებუაძე, ასევე აჭარის რეგიონის პოლიციის უფროსი გრიგოლ ბესელია და დავით ათაბეგაშვილი, ბათუმის რეგიონის პოლიციის უფროსი გოჩა ვანაძე;

საქართველოს პარლამენტის წევრები ლაშა ტალახაძე, ირაკლი ზარქუა, ვიქტორ სანიკიძე, გელა სამხარაული, ბექა ოდიშარია;

Alt-Info-სთან ასოცირებული პირები – კონსტანტინე მორგოშია, ზურაბ მახარაძე;

ესტონეთმა დღეს ჯამში საქართველოს 55 მოქალაქეს დაუწესა სანქციები, რაც ქვეყანაში შესვლის აკრძალვას ითვალისწინებს.

ბალტიისპირეთის ქვეყნებმა 2 დეკემბერს სავიზო სანქციები დაუწესეს რამდენიმე პირს, მათ შორის იყვნენ ბიძინა ივანიშვილი, ვახტანგ გომელაური, ზვიად ხარაზიშვილი, ვაჟა სირაძე, თეიმურაზ კუპატაძე და სხვები.