ქალაქ ლვოვის მახლობლად რუსეთის ძალებმა იავოროვის სამხედრო საწვრთნელ პოლიგონზე ავიადარტყმა განახორციელეს. როგორც უკრაინული მედია ლვოვის საოლქო სამხედრო ადმინისტრაციის ხელმძღვანელზე, მაქსიმ კოზიცკიზე დაყრდნობით წერს, პოლიგონის მიმართულებით რვა რაკეტა ისროლეს. კოზიცკის თქმით, ავიადარტყმის შედეგად დაშავებულების შესახებ ცნობები არ გავრცელებულა.
ლვოვთან მდებარე იავოროვის პოლიგონი, რომელიც სამშვიდობო და უსაფრთხოების საერთაშორისო ცენტრს წარმოადგენს, ქალაქ ლვოვიდან დაახლოებით 30 კილომეტრში მდებარეობს.
როგორც უკრაინის შინაგან საქმეთა მინისტრის მრჩეველმა, ვადიმ დენისენკომ უკრაინულ მედიასთან განაცხადა, იავოროვის პოლიგონზე საჰაერო დარტყმით რუსეთი ცდილობს აჩვენოს, რომ უკრაინაში მშვიდი და უსაფრთხო ადგილი არ არსებობს.
აღსანიშნავია, რომ ეს ლვოვის ოლქში განხორციელებული დარტყმის პირველი შემთხვევაა მას შემდეგ, რაც უკრაინაში რუსეთის ძალები შეიჭრნენ.
Loading ...
