პოლიტიკურმა პარტიამ “ლელო საქართველოსთვის” დღეს ოზურგეთში პარტიის გურიის საბჭოს 12 ქალი წევრი ოფიციალურად წარადგინა. ისინი ჭადრების ბაღში შეკრებილ საზოგადოების პარტიის პოლიტსაბჭოს წევრმა დეა მეტრეველმა წარუდგინა. როგორც წარდგენაზე ითქვა, ქალები პარტიის პოლიტიკურ და საარჩევნო საქმიანობაში აქტიურად ჩაერთვებიან და სხვა პარტიულ საქმიანობასთან ქალთა უფლებების, ქალთა სიღარიბის და გენდერული თანასწორობის მიმართულებით იმუშავებენ. როგორც დეა მეტრეველმა განაცხადა, “ლელოს” ერთ-ერთი მთავარი პრიორიტეტი “საქართველოს ქალები სიღარიბის გარეშე” იქნება. “მე დარწმუნებული ვარ, რომ ქალებთან ერთად ძალიან ბევრ ცვლილებას მოვიტანთ ქვეყანაში. ბევრი საინტერესო ქალი უერთდება ჩვენს რიგებს და ისინი ჩვენს შეხედულებებს იზიარებენ.ეს ძალიან მნიშვნელოვანია” – აღნიშნა დეა მეტრეველმა.
"ლელომ" გურიაში 12 აქტიური ქალი წარადგინა
კომენტარები
გამოკითხვა
Loading ...