ლანჩხუთში, არასამთავრობო ორგანიზაცია ,,ჰელფინგ ჰენდის’’ საგანმანათლებლო პროექტის ფარგლებში, გურიის რეგიონში დაფუძნებული მოზარდთა ,,ჰიგიენის კლუბების’’ პრეზენტაცია გაიმართა.
გურიის რეგიონიდან პროექტში ათობით მოხალისეა ჩართული, რომლებიც ოზურგეთის, ლანჩხუთისა და ჩოხატაურის ჰიგიენის კლუბებში ერთიანდებიან და საინტერესო ღონისძიებებს გეგმავენ.
6 მაისის შეხვედრაზე, კლუბის წევრებმა ერთმანეთს განხორციელებული ღონისძიებები და სამომავლო გეგმები გააცნეს, გაიმართა საგანმანათლებლო გამოფენა, თანატოლ-განმანათლებელთა პრეზენტაციები და სხვადასხვა კონკურსის გამარჯვებულთა დაჯილდოება.
ღონისძიება გაეროს ბავშვთა ფონდისა და ორგანიზაცია ,,ჰელფინგ ჰენდის’’ პროექტის ფარგლებში ჩატარდა, რომელიც USAID/Georgia-ს მხარდაჭერით ხორციელდება. პროექტის შედეგად, საქართველოს 63 მუნიციპალიტეტში, მოზარდებმა ახალგაზრდული კლუბები დააფუძნეს, რომელთა ძირითადი მიზანი ადგილობრივ თემებში ჰიგიენის საკითხებისა და მოხალისეობის პოპულარიზაცია, ასევე მოზარდებში COVID-19-ის გავრცელების პრევენციაა.
Loading ...