ლანჩხუთის მუნიციპალიტეტში სტიქიას ებრძვიან. წაღებულია ხიდები და 150 – მდე ოჯახი გარესამყაროს მოწყვეტილია.
ორი დროებითი ხიდი, სოფელ ხორეთსა და ქვემო მამათში, რომელიც ხელისუფლებამ 8 სექტემბრის სტიქიის შემდეგ მოაწყო, აღარ არსებობს. წუხანდელმა უხვმა ნალექმა დაანგრია ხიდებიც, დააზიანა გზებიც და 150 მდე ოჯახი გარესამყაროს ისევ მოწყვიტა.
ლანჩხუთის მუნიციპალიტეტის მერის ალეკო სარიშვილის განცხადებით, ყველა პრობლემურ ლოკაციაზე აქტიურად მუშაობს როგორც მუნიციპალიტეტის შესაბამისი სამსახურები, ასევე სამაშველო ჯგუფები და მიმდინარეობს აღდგენითი სამუშაოები.
მუნიციპალიტეტში კვლავ ვითარდება მეწყრული პროცესები, ადიდებულია მდინარე სუფსა და თუ ნალექის ინტენსივობამ არ დაიკლო, ლანჩხუთში კიდევ უფრო სახიფათო პროცესების განვითარებას ელოდებიან.
კომენტარები
Loading ...