”ერთიანი ნაციონალური მოძრაობის” ლანჩხუთის ორგანიზაციის თავმჯდომარემ კახა ასკურავამ საკუთარ ფეისბუქ–გვერდზე დაწერა, რომ მიუხედავად იმისა, რომ ლანჩხუთის მერს დღეს საქმიანობის ანგარიშის მოსმენა ჰქონდა ჩანიშნული, დღესვე ის შვებულებაში გავიდა.
ასკურავა აცხადებს, რომ მუნიციპალიტეტის მერის ანგარიშის მოსმენაზე 31 ოქტომბრისთვის მიიწვიეს, ხოლო ღონისძიების თარიღი დღეს შეიცვალა.
ჩვენ კომენტარი ლანჩხუთის მუნიციპალიტეტის მერიის პრესსამსახურს ვთხოვეთ, სადაც განგვიცხადეს, რომ ალექსანდრე სარიშვილის საქმიანობის ანგარიშის მოსმენა 1 ნოემბერს იყო ჩანიშნული, ვებ–გვერდზე შესაბამისი ანონსიც დევს და ერთდღიანი შვებულების აღება დაგეგმილ ღონისძიებას არ ცვლის.
თუმცა აღსანიშნავია, რომ ანონსი ალექსანდრე სარიშვილის საქმიანობის ანგარიშის წარდგენის შესახებ ღონისძიებამდე მხოლოდ ერთი დღით ადრე, დღეს დაიდო.
Loading ...
