ლანჩხუთის “გურიამ” მოიგო და პირველ ადგილზე გადაინაცვლა

საქართველოს საფეხბურთო ჩემპიონატის მეოთხე ლიგაში, მორიგი ტურის მატჩები გაიმართა.

თავის შეხვედრები გამართეს გურიის გუნდებმა.

ლანჩხუთის “გურიამ” “ვიტ ჯორჯია 2”-ს უმასპინძლა და მინიმალური ანგარიშით 1-0 გაიმარჯვა. ერთადერთი გოლი 34 წუთზე ვანო წილოსანმა გაიტანა.

სტუმრად, წყალტუბოში “სამგურალს” შეხვდა ოზურგეთის “მერცხალი”. დაძაბული შეხვედრა მასპინძლების გამარჯვებით 4-3 დასრულდა.

“გურია” ამ გამარჯვებით მეოთხე ლიგის ლიდერი გახდა.

14 ტურის შემდეგ “გურიას” 33 ქულა აქვს და  პირველ ადგილზე იმყოფება, “მერცხალს” კვლავ 17 ქულა აქვს  და მეცხრე ადგილზეა.

მორიგი ტური შაბათს, 16 აგვისტოს გაიმართება. “მერცხალი” საკუთარ მოედანზე სულორს მიიღებს, ხოლო “გურია” სტუმრად “არაგველებს” შეხვდება.