ლანჩხუთის “გურიამ” მოიგო და ლიდერებს მიუახლოვდა

საქართველოს საფეხბურთო ჩემპიონატის მეოთხე ლიგაში ლანჩხუთის “გურიამ”  დღეს წალენჯიხის “სქურს” უმასპინძლა.

შეხვედრა “გურიას” უპირატესობით წარიმართა, მათ შეხვედრის დასაწყისში და დასასრულს ორი უპასუხო გოლი გაიტანა და საბოლოოდ 2-0 გაიმარჯვა.

ამ გამარჯვებით ლანჩხუთელებმა 17 ქულა დააგროვეს და ლიდერთა ჯგუფს მიუახლოვდნენ. ლიგის პირველ სამეულს თანაბარი 19-19 ქულა აქვთ, “გურია” კი მეოთხე ადგილზეა.

აქვე შეგახსენებთ, რომ დღესვე, უფრო ადრე ოზურგეთის “მერცხალი” თბილისში “არაგველებს” დაუპირისპირდა. შეხვედრა ფრედ 1:1 დასრულდა.

ფოტო: გურია თუდეი • Guria Today