ლანჩხუთის “გურიამ” მესამე ლიგაში პირველი ქულები დაკარგა

საქართველოს საფეხბურთო ჩემპიონატის მესამე ლიგაში დღეს მესამე ტურის მატჩები გაიმართა.

ლიგის ლიდერმა ლანჩხუთის “გურიამ” საკუთარ მოედანზე “ბეთლემს” უმასპინძლა.

დაძაბული ბრძოლა ფრედ, 0-0 დასრულდა.

ლანჩხუთელებისთვის ეს პირველი დაკარგული ქულები იყო მესამე ლიგაში, სადაც იგი ამ სეზონში დაბრუნდა.

შეგახსენებთ, რომ პირველი ორი შეხვედრა “გურიამ” დიდი ანგარიშით მოიგო.

3 ტურის შემდეგ გურულებს 7 ქულა აქვთ და LIVE ცხრილის მიხედვით მესამე ადგილზე იმყოფებიან. თუმცა უნდა აღინიშნოს, რომ პირველ და მეორე ადგილზე მყოფ გუნდებს თითო თამაშით მეტი აქვთ ჩატარებული.

მომდევნო შეხვედრაში 8 აპრილს  “გურია” სწორედ ლიდერს, “გონიოს”, ბათუმში   შეხვდება.