ლანჩხუთის “გურიამ” დიდი ანგარიშით გაიმარჯვა

საქართველოს საფეხბურთო ჩემპიონატის მესამე ლიგის  მეთორმეტე ტურში ლანჩხუთის “გურია” დღეს საკუთარ მოედანზე  “იბერია 2010”-ს შეხვდა.

მატჩი ლანჩხუთელთა დიდი უპირატესობით წარიმართა. მასპინძლებმა 6 უპასუხო გოლი გაუტანეს მეტოქეს. თავი დავით სიჭინავამ (ორჯერ), ლუკა ჩაგანავამ (ორჯერ), ლუკა ქოქოსაძემ და ნიკოლოზ ნოზაძემ გამოიჩინეს.

თორმეტი მატჩის შემდეგ ლანჩხუთელებს 24  ქულა აქვთ და ამ მომენტისთვის სატურნირო ცხრილში მეორე ადგილზე იმყოფებიან. თუმცა, უნდა აღინიშნოს რომ გუნდების უმეტესობა თავიანთ შეხვედრებს ხვალ გამართავენ.

მორიგ შეხვედრას “გურია” 28 მაისს გამართავს და სტუმრად ერთ-ერთ ლიდერს, “ორბს”  შეხვდება.