ლანჩხუთის “გურია” საქართველოს თასის მეოთხედფინალში გავიდა

ფეხბურთში, დავით ყიფიანის სახელობის საქართველოს თასზე 1/8-ფინალის ორი მატჩი გაიმართა – ორივე შეხვედრა უხვგოლიანი გამოდგა და შემდეგი ეტაპის საგზური ორივე დაპირისპირებაში სტუმრებმა მოიპოვეს.

აბაშის „მევლუდ მიმინოშვილი არენაზე“ „ზანამ“ ლანჩხუთის „გურიას“უმასპინძლა, თუმცა დიდი წინააღმდეგობა ვერ გაუწია. სტუმრები პირველივე ტაიმში ამირან ალადაშვილმა (18) და ალექსანდრე სულაძემ (45+1) დააწინაურეს, მეორე ნახევარში გურულების უპირატესობა როინ ჩხაიძემ (76) გაზარდა. აბაშელებმა 83-ე წუთზე დიმიტრი ვირუბოვის ავტოგოლით სხვაობა შეამცირეს, მაგრამ „გურიამ“ კიდევ ერთი გაიტანა (ლაშა ახალაია, 90+8). საბოლოდ “გურიამ” გაიმარჯვა 1:4 და თასისთვის ბრძოლას მეოთხედფინალში გააგრძელებს.

ფოტო არქივიდან.