
ლანჩხუთის, ევგრაფი შევარდნაძის სახელობის სტადიონზე მიმდინარე სარეაბილიტაციო სამუშაოების გამო “გურია” პირველ 3 საშინაო მატჩს ქალაქ ფოთში, “ფაზისის” სტადიონზე გამართავს. ამის შესახებ ინფორმაცია კლუბის ოფიციალურ ფეისბუქ გვერდზე გავრცელდა.
“ევგრაფი შევარდნაძის სახელობის სტადიონზე მიმდინარე საფარის განახლების სამუშაოებიდან გამომდინარე, ჩვენი გუნდი პირველ 3 საშინაო მატჩს გამართავს ქალაქ ფოთში – “ფაზისის” სტადიონზე.
გელოდებით გურიის გულშემატკივრებს!

12/03/2026 15:00
02/04/2026 14:00
16/04/2026 14:00″
შეგახსენებთ, რომ “გურიამ” მესამე ლიგაში სტარტი წარმატებით აიღო და სტუმრად “ლოკომოტივი” 4-1 დაამარცხა.
კომენტარები

