ოზურგეთის მუნიციპალიტეტში ბოლო 24 საათში კორონავირუსით 4, ბოლო ორ დღეში კი 5 ადამიანი გარდაიცვალა. ბოლო ინფორმაცია ოთხი გარდაცვლილის შესახებ, როგორც ოზურგეთის საზოგადოებრივი ჯანდაცვის ცენტრის ხელმძღვანელმა მაია ქუტიძემ გვითხრა, ოზურგეთის ,, მედალფას’’ კლინიკიდან მიიღეს. როგორც საზოგადოებრივ ჯანდაცვაში გვითხრეს ოთხივე გარდაცვლილი ქალბატონია. ისინი სოფლების – ლიხაურისა და მთისპირის, ასევე ქ. ოზურგეთის მკვიდრები არიან. ქალბატონები ოზურგეთში, კოვიდის ინტენსიური თერაპიის ბლოკში გადიოდნენ მკურნალობას. მათი მდგომარეობა კლინიკაში შეყვანისას უკვე მძიმე იყო. გარდაცვლილია, როგორც ასაკოვანი, ასევე შუა ხნის ადამიანები. ჯამში ოზურგეთში კორონავირუსით 72 ადამიანი დაიღუპა.
კომენტარები
Loading ...