საქართველოში კორონავირუსით კიდევ 12 ადამიანი გარდაიცვალა. “ბოლო 24 საათში კორონავირუსით გარდაცვალების 12 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 3 553 პირი ემსხვერპლა”, – ნათქვამია ინფორმაციაში, რომელსაც საქართველოს მთავრობის ადმინისტრაცია ავრცელებს.
გუშინ კორონავირუსით გურიაში ორი ქალბატონი გარდაიცვალა. ოზურგეთის მუნიციპალიტეტის სოფელ ჭანიეთის მკვიდრი ხანდაზმული ქალბატონი “კოვიდ 19″-ით ქობულეთში კლინიკა ,,ბომონდში”, ხოლო ჩოხატაურის, სოფელ გორაბერეჟოულის მკვიდრი, ასევე ხანდაზმული , 85 წლის ქალბატონი, ჩოხატაურის ,,მედალფას” კლინიკაში გარდაიცვალნენ.
საქართველოში კორონავირუსით ინფიცირების 133 ახალი შემთხვევა გამოვლინდა, ქვეყანაში ბოლო 24 საათში 10 678 ტესტი ჩატარდა.