“კომუნისტების წართმეულ ქონებას ხალხს დავუბრუნებთ და მათ ვერავინ მოისყიდის”

“ბევრი ხალხი დგას რუსთაველზე, თუმცა რაც მოხდა ამას უფრო უნდა მიეხვედრებინა ხელისუფლება, რომ ის მუხტი არსად გაქრება. ბრაზი იმის გამო, რომ გადაგვყარეს და მათ შორის, იმის გააზრება რა მოჰყვება ჩვენთვის, ადამიანებისათვის იმდენად მნიშვნელოვანია, რომ ეს ბრაზი არსად არ წავა, არსად არ წავალთ” – ამის შესახებ ზურაბ ჯაფარიძემ განაცხადა ტვ “ფორმულას” პირდაპირ ეთერში.
ზურაბ ჯაფარიძის განცხადებით: “ჩვენ ვფიქრობთ იმაზე, თუ როგორ წავართვათ ის კოზირები ივანიშვილს, რაც მას გააჩნია. ივანიშვილის ფული არის ერთ-ერთი მნიშვნელოვანი ფაქტორი, რაზედაც ოპერირებს არჩევნების დროს და წინასაარჩევნოდ და ესეც არის გასანეიტრალებელი და ამაზე ერთადერთი გეგმა ვისაც უდევს ეს არის “გირჩი”, როგორ შეიძლება დავუპირისპირდეთ ივანიშვილს ფულს და ეს არის იმ ქონების დაბრუნება იმ ადამიანებისათვის, რომლებიც მათ ბოლშევიკებმა წაართვეს. ეს ქონება არის სახელმწიფოს ხელში და საუბარია ასობით მილიარდიან ქონებაზე, რომლითაც თითოეული ქართული ოჯახი გახდება მდიდარი და ვერანაირი ორი კილო კარტოფილით მას ვერც ივანიშვილი და ვერც ასე შემდეგ ვერ მოისყიდის”.
შეგახსენებთ, რომ დღეს დილით რუსთაველზე მიმდინარე აქცია პოლიციამ დაშალა. დაკავებულია 28 პირი, დაშავდა სამი.

http://progressnews.ge