„კომპოტი არ არის ჯანსაღი პროდუქტი – დუღილის დროს ხილში კვდება ყველა ის სასარგებლო თვისება, რაც შეიძლება გააჩნდეს“

„კომპოტი არ არის ჯანსაღი პროდუქტი, ის არის ტკბილი წყალი“ – სურსათის უვნებლობის სპეციალისტი ირაკლი არაბული სოციალურ ქსელში ვიდეოს აზიარებს, სადაც სახლში მომზადებული კომპოტის შემადგენლობასა და მავნებლობაზე საუბრობს.

„არის თუ არა კომპოტი სასარგებლო პროდუქტი თუ პირიქით? კომპოტი თავისი მომზადების ტექნოლოგიიდან გამომდინარე შეიცავს ძალიან ბევრ შაქარს. 1 ლიტრ პროდუქტზე არის დაახლოებით 10 სუფრის კოვზი შაქარი.

„კომპოტი არ არის ჯანსაღი პროდუქტი, ის არის ტკბილი წყალი“

გარდა ამისა, დუღილის დროს ხილში კვდება ყველა ის სასარგებლო თვისება, რაც ხილს შეიძლება გააჩნდეს. იშლება ვიტამინი ც და ყველა ის ნივთიერება, რომელიც წყალში ხსნადია. გარდა ამისა, ხილის შერჩევის დროს შეიძლება შეყვეს დაბინძურებული ნივთიერებები, ობის სოკოები, რაც კომპოტში მიკრობების გამრავლებას გამოიწვევს ან ობის სოკოები ტოქსინების გამოყოფას დაიწყებენ.

მაღაზიაში ნაყიდი კომპოტი შესაძლებელია, შეიცავდეს სხვადასხვა დანამატებს, რაც მისი ქარხნული წარმოებისთვის აუცილებელია.

საბოლოოდ, შეიძლება ითქვას, რომ კომპოტი არ არის ჯანსაღი პროდუქტი, ის არის ტკბილი წყალი სხვადასხვა ხილის გემოთი და ნაწილებით“, – ამბობს სურსათის უვნებლობის სპეციალისტი.

www.bpn.ge