კობახიძე უვიზოს შესაძლო შეჩერებაზე: ყველაზე მთავარი სიკეთე არის მშვიდობა და სტაბილურობა

“ჩვენ ვართ პასუხისმგებელი იმაზე, რომ საქართველოში შენარჩუნებული იყოს მშვიდობა, სტაბილურობა და განვითარება. ყველაზე მთავარი სიკეთე არის მშვიდობა და სტაბილურობა. როცა ბრიუსელი შენ გეუბნება, რომ უნდა დათმო მშვიდობა, სტაბილურობა. გამჭვირვალობის კანონი იცავს ჩვენ სახელმწიფოს სწორედ ასეთი პროცესებისგან, ექსტრემიზმისგან, რევოლუციებისგან, როდესაც ბრიუსელი გეუბნება, რომ შენ თავი არ უნდა დაიცვა რევოლუციებისგან.რუსული კანონი ხო ცრუპენტელობა იყო, ყველამ მთელმა საზოგადოებამ გაიგო, რომ რუსული კანონი, ეს ტერმინი იყო არა ტყუილი, არამედ ცრუპენტელობა. ესაა კანონი, რომელიც სრულად შეესაბამება საერთაშორისო სტანდარტებს, მათ შორის, ადამიანის უფლებების სფეროში, ეს კანონი იცავს ჩვენს ქვეყანას დესტაბილიზაციისგან. მათ შორის, იმისგან, რომ იგივე ევროკავშირის ფონდები EED-დან NED-დან, USAID-დან ეს უკვე ამერიკული ფონდებია ყოფილი, რომელიც გააუქმა ტრამპის ადმინისტაციამ, ასეთი ფონდებიდან არ უნდა ხდებობდეს საქართველოში რევოლუციური პროცესების დაფინანსება.

შანტაჟია, მე მგონია, რომ კონტრპროდუქტიულ ნაბიჯს ევროპული ბიუროკრატია არ გადადგამს. ეს იქნება აბსოლუტურად ირაციონალური. არასწორია ქართველი ხალხის შანტაჟი იმის გამო, რომ მან ხელისუფლებაში არ დააბრუნა სისხლიანი პოლიტიკური ძალა და კოლექტიური ნაცმოძრაობა.

თუ ვინმე ასე აყენებს საკითხს, რომ ან მშვიდობა და სტაბილურობა, ან ვიზალიბერალიზაცია. როდესაც გვეუბნებიან, რომ შენ არ უნდა მიიღო კანონი, რომელიც უცხო ძალებს უზღუდავს ქვეყანაში რევოლუციის მოწყობას ეს, რა თქმა უნდა, მაგას ნიშნავს, რომ შენ გემუქრებიან ჯერ სტაბილურობის, შემდეგ მშვიდობის დაკარგვით. თუ ასე დადგება საკითხი ან მშვიდობა და სტაბილურობა, ან ვიზალიბერალიზაცია, რა თქმა უნდა, ჩვენ უპირატესობას მივანიჭებთ მშვიდობას და სტაბილურობას.

[…]

ვიზალიბერალიზაცია ნიშნავს იმას, რომ საქართველოს მოქალაქეს დასჭირდება ვიზა, იმისათვის რომ გაემგზავროს საქართველოდან, რაც შეეხება დანარჩენს, მშვიდობა, სტაბილურობა, მათ შორის ოჯახური ღირებულებები, ეს არის ეგზისტენციური საკითხები. შენ ევროპაში წახვალ ვიზით თუ უვიზოდ, ეს არ არის ეგზისტენციური საკითხი. როცა ეგზისტენციური საკითხი უპირისპირდება არაეგზისტენციურ საკითხს, ბუნებრივია შენ უპირატესობა უნდა მიანიჭო ეგზისტენციურ საკითხებს.”