კიევში რუსი და უკრაინელი ხალხის “მეგობრობის მონუმენტის“ დემონტაჟი დაიწყეს.
როგორც კიევის მერმა ვიტალი კლიჩკომ განაცხადა, სიმბოლურია, რომ სკულპტურის აწევისას, რუს მუშას თავი მოძვრა.
რაც შეეხება თაღს, რომლის ქვეშაც მონუმენტია განთავსებული, მას სახელს შეუცვლიან და უკრაინის დროშის ფერებში გაანათებენ.
“მეგობრებო! დემონტაჟი დღეს დაიწყო და დღესვე საღამოს ვგეგმავთ მის დასრულებას. რუსეთმა უკრაინისადმი დამოკიდებულება ჩვენი სახელმწიფოსა და მშვიდობიანი უკრაინელების განადგურების ბარბაროსული სურვილით გამოხატა. ჩვენ რვამეტრიანი მეტალის ე.წ ხალხთა მეგობრობის მონუმენტის დემონტაჟს ვაპირებთ. და იცით რა არის სიმბოლური?- როდესაც სკულპტურის ამწით აწევა ვცადეთ, რუს მუშას თავი მოსძვრა. მოდით შევუცვალოთ სახელი თაღს – ძველი სიმბოლოები ახალ მნიშვნელობას მიიღებენ. ჩვენ მას უკრაინის ფერებში გავანათებთ“, – განაცხადა კიევის მერმა ვიტალი კლიჩკომ.
დნეპრის მდინარის სანაპიროზე მონუმენტი 1982 წელს დაიდგა.
Loading ...
