უკრაინის ქალაქ მაკაროვში, რომელიც კიევის რეგიონს ეკუთვნის, პურის ქარხანაზე საჰაერო თავდასხმას სულ მცირე 13 ადამიანი ემსხვერპლა.
ამის შესახებ ინფორმაციას უკრაინის საგანგებო სიტუაციების სამსახურზე დაყრდნობით Sky News ავრცელებს.
მათივე ცნობით, ხუთი ადამიანის გადარჩენა მოხერხდა. თავდასხმამდე ქარხანაში დაახლოებით 30 ადამიანი იმყოფებოდა.
როგორც მედია წერს, ეს მას შემდეგ მოხდა, რაც უკრაინის საგარეო საქმეთა სამინისტრომ განაცხადა, რომ მიუხედავად ჰუმანიტარული დერეფნების დაპირებისა, რუსი სამხედროები ზოგიერთ ქალაქში, მათ შორის კიევში ავიაიერიშებს მაინც განაგრძობენ.
კომენტარები
Loading ...