კახეთში ახალგაზრდა კაცი, ბუნებრივი აირის ნამწვით მოიწამლა

ბუნებრივი აირით ინტოქსიკაცია კახეთში – ახალგაზრდა კაცი საავადმყოფოში გადაიყვანეს. შემთხვევა წუხელ, თელავის მუნიციპალიტეტში მოხდა.

მამაკაცი თონის საცხობში სამუშაოდ იმყოფებოდა. უგონო მდგომარეობაში მყოფი ახალგაზრდა, მეგობარმა ნახა და სასწრაფო სამედიცინო დახმარების ბრიგადა გამოიძახა.

ექიმების განმარტებით, მამაკაცი ბუნებრივი აირის ნამწვით არის მოწამლული და ამ ეტაპზე, მისი ჯანმრთელობის მდგომარეობა სტაბილურია.