თელავში ავტომობილი ქვეითად მოსიარულე 15 წლის გოგოს დაეჯახა. ინფორმაციას “მთავარი ამბები კახეთიდან” ავრცელებს. თვითმხილველები ამბობენ, რომ შემთხვევა რუსთაველის ქუჩაზე მაშინ მოხდა, როცა მოზარდი გზაზე გადასვლას ცდილობდა.
დაშავებულს ბარძაყის ძვალი აქვს გატეხილი და ის ოპერაციას საჭიროებს. დაშავებული სასწრაფო დახმარების ჯგუფმა კლინიკაში გადაიყვანა. ექიმები ამბობენ, რომ პაციენტის ჯანმრთელობის მდგომარეობა საყურადღებოა.
გამოძიება საქართველოს სისხლის სამართლის კოდექსის 276-ე მუხლით დაიწყო. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
კომენტარები
Loading ...