თელავის მუნიციპალიტეტის სოფელ ბუშეტში 45 წლის კაცს სცემეს – ის თელავის ცენტრალური საავადმყოფოს რეანიმაციულ განყოფილებაში მართვით სუნთქვაზე იმყოფება. ინფორმაციას “მთავარი ამბები კახეთიდან” ავრცელებს და წერს, რომ კაცს დაზიანებები თავის არეში აქვს მიყენებული და თავის ტვინის დაზიანება აღენიშნება.
გამოცემის ცნობით, არსებული ინფორმაციით, დაპირისპირება თანასოფლელებს შორის გუშინ გვიან ღამით მოხდა. წინასწარი მონაცემებით, ორივე მხარე არაფხიზელ მდგომარეობაში იყო და კონფლიქტი ერთ-ერთ უბანში მათი შეხვედრისას დაიწყო. ადგილობრივების თქმით, დაპირისპირება წარსულში არსებულ პირად ურთიერთობებს უკავშირდება. მათივე ცნობით, ცემაში ბრალდებული პოლიციამ ცხელ კვალზე დააკავა.
შსს-მ გამოძიება სისხლის სამართლის კოდექსის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს და 7 წლამდე პატიმრობას ითვალისწინებს.
Loading ...