კახა ასკურავა: "თბილისის საქალაქო სასამართლოში ძაღლი პატრონს ვერ ცნობს"

“შეიძლება ითქვას,რომ თბილისის საქალაქო სასამართლოში ძაღლი პატრონს ვერ ცნობს”, _ წერს სოციალურ ქსელში “ნაციონალური მოძრაობის” ლანჩხუთის ორგანიზაციის თავმჯდომარე კახა ასკურავა, რომელიც რამდენიმე საათია გუშინ, რუსთაველის გამზირზე, აქციის დროს დაკავებული აქტივისტების სასამართლო პრეცესს ელოდება.

მისივე თქმით, “იმდენჯერ გადადე-გადმოდეს ბიჭების სასამართლო პროცესები თვითონ მოსამართლეებსაც აერიათ სათვალავი”:

“ძალიან სამარცხვინოები არაინ, უკიდურესად სამარცხვინოები“, _ წერს ასკურავა და “გურია TV”-ისთან საუბრისას განმარტავს, რომ ამ დრომდე უცნობია როდის დაიწყება აქციაზე დაკავებული “ნაციონალური მოძრაობის” ოზურგეთის ორგანიზაციის თავმჯდომარის დავით მჟავანაძის სასამართლო პროცესი:

_ ვიცოდით, რომ ხუთ საათზე უნდა დაწყებულიყო, თუმცა მჟავანაძე დარბაზში ამ დრომდე არ შემოიყვანიათ. 37 ადამიანია დაკავებული და ეს ბიჭები ისე გაყავთ-გამოყავთ, ჩვენ კი არა, მოსამართლეებს უჭირთ იმის გაგება რა ხდება, _ გვითხრა ასკურავამ.