კახა ასკურავა: ვინ დგას ამ შპს_ს უკან ასეთი გავლენიანი, რომ კიდევ ოპერირებს ბაზარზე?

შპს “სოფოს” (შპს რომელიც გურიის და აჭარის საბავშვო ბაღებს ძროხის ხორცით ამარაგებს) მფლობელი რომ თაღლითი და დანაშავეა ეს არაერთგზის გამოვლინდა იმ დარღვევებით, რომელიც ამ ერთ წელიწადში სამჯერ გამოვლინდა უკვე”, _ წერს სოციალურ ქსელში ნაციონალური მოძრაობის ლანჩხუთის ორგანიზაციის ხელმძღვანელი კახა ასკურავა, რომელიც ფიქრობს, რომ კომპანიის უკან ვიღაც დგას: “მე ის მაინტერესებს და ოფიციალურად მოვითხოვ შესაბამისი უწყებებებიდან განმარტებებს, ვინ დგას ამ შპს-ს უკან ისეთი გავლენიანი, რომ მიუხედავად სურსათის უვნებლობის სამსახურის მიერ ჯერ დისკვალიფიკაციისა და ამჯერად ვადაგასული ხორცის ამოღების შემდგომაც კი, კიდევ ოპერირებდეს ბაზარზე?! ვერავინ დამაჯერებს, რომ ეს შემთხვევითია და ვიღაც ბობოლა ბაბაიას ხარჯზე, ეს თაღლითი შპს არ აყენებს ჩვენი შვილების სიცოცხლეს რისკის ქვეშ?! ამაზე უსწრაფეს ვადებში მოვითხოვთ კონკრეტულ პასუხებს!” _ წერს ასკურავა