კარების ნაცვლად კიბის მოაჯირი _ "დაბოქლომების" აქცია ზუგდიდში

ხმაურისა და ურთიერთდაპირისპირების ფონზე ჩაიარა ზუგდიდში ე.წ. ,,დაბოქლომების” აქციამ. ენმ-ის და ევროპული საქართველოს წარმომადგენლები და მათი მხარდამჭერები ცდილობდნენ ზუგდიდის მაჟორიტარი დეპუტატის მერაბ ქვარაიას ბიუროს კარებზე ბოქლომი გაეკეთებინათ, თუმცა ამის საშუალება მათ მაჟორიტარის მხარდამჭერებმა არ მისცეს. ადგილზე სიტუაცია პოლიციამ განმუხტა. აქციის მონაწილეებმა ზუგდიდის კიდევ ერთი მაჟორიტარი დეპუტატის ედიშერ თოლორაიას ბიუროს კარებისთვისაც სცადეს ბოქლომი დაუდოთ, თუმცა ადგილზე პოლიციის თანამშრომლები იყვნენ მობილიზებულები და ბოქლომი კიბის მოაჯირს დაადეს.