კორონავირუსის პრევენციის მიზნით იტალიის ხელისუფლებამ 10 ქალაქის იზოლაცია განახორციელა – ამის შესახებ ინფორმაციას „ევრონიუსი“ ავრცელებს.
იტალია არის პირველი ქვეყანა ევროპაში, სადაც COVID-19 – ით გარდაცვალების ორი შემთხვევა დაფიქსირდა.
იზოლირებულია შემდეგი ქალაქები: კაზალპუსტერლენგო, კოდონო, მალეო, ბერტონიკო, ტერანოვა დეი პასერინი, კასტელჯერუნდო, სან ფიორანო, კასტილიონე დ’ადდა და ფომბიო.
ჩამოთვლილ ქალაქებში დახურულია სკოლები, ბაღები, მარკეტები, სპორტ დარბაზები და სხვა საზოგადოებრივი თავშეყრის ადგილები, ხოლო ხელისუფლება მოსახლეობას მოუწოდებს, რომ სახლიდან გამოსვლისგან თავი შეიკავონ.
ბოლო მონაცემებით, ჩინეთში, ბოლო 24 საათის განმავლობაში, კორონავირუსით კიდევ 97 ადამიანი დაიღუპა, გარდაცვლილთა საერთო რაოდენობამ კი 2442-ს მიაღწია.
კომენტარები
Loading ...