იტალიაში ძლიერი მიწისძვრა მოხდა

იტალიის სამხრეთ ნაწილში, კამპანიის რეგიონში ღამით მიწისძვრა მოხდა.

მედიის ინფორმაციით, დაზიანებულია შენობები. ქალაქ ნეაპოლსა და მის შემოგარენში მოქალაქეთა ნაწილმა ბიძგების გამეორების შიშით ღამე ქუჩაში გაათენა.

იტალიის სეისმოლოგიური სამსახურის ცნობით, 4,4 მაგნიტუდის სიმძლავრის მიწისძვრა ადგილობრივი დროით 01:25 საათზე დაფიქსირდა.

ეპიცენტრი დასახლება პოზუოლისთან, სამი კილომეტრის სიღრმეში მდებარეობდა.

მიწისძვრის გამო ნეაპოლში ელექტროენერგიის მიწოდება შეფერხდა. პოზუოლიში ნაწილობრივ ჩამონგრეული სახლიდან ერთი დაშავებული ამოიყვანეს, დაზიანებულია ავტომობილი.

მიწისძვრის გამო პოზუოლისა და ახლომდებარე ორ დასახლებაში დღეს დახურული იქნება სკოლები, რათა სპეციალისტებმა შენობების მდგრადობა შეამოწმონ.