იტალიაში, ქალაქ მარტინა-ფრანკაში ქურდობის ბრალდებით საქართველოს 2 მოქალაქე დააკავეს. ინფორმაციას ამის შესახებ ადგილობრივი მედია ავრცელებს.
მათი ცნობით, საქართველოს მოქალაქეები კიდევ 2 იტალიელთან ერთად მათ მიერ გაქურდული ბინაშივე დააკავეს. პოლიციელები მეზობლებმა გამოიძახეს – კორპუსის ერთ-ერთი სართულის შემოწმებისას მათ სადარბაზოში შენიღბული კაცი შენიშნეს, რომელიც პოლიციის დანახვაზე დაიბნა და ბინაში დაბრუნდა. სამართალდამცველები მას საცხოვრებელში შეჰყვნენ, სადაც კიდევ 3 შენიღბული პირი და ქურდობის შედეგად არეული ბინა დახვდათ. ეჭვმიტანილები ადგილზევე დააკავეს.
კომენტარები
Loading ...