იტალიის ქალაქ პერუჯაში საქართველოს 2 მოქალაქე, 40 და 35 წლის კაცები, ქურდობის მცდელობისთვის დააკავეს | ადგილობრივი მედიის ცნობით, ისინი პოლიციაში შესული შეტყობინების საფუძველზე დააკავეს. ადგილობრივებმა სამართალდამცველებს მას შემდეგ მიმართეს, რაც დაინახეს, რომ მათ საცხოვრებელ კორპუსში 2 კაცი საეჭვოდ გადაადგილდებოდა. ადგილზე მისულმა პოლიციამ კიბეზე მორბენალი კაცი დააკავა, მეორე კი მაშინ აიყვანეს, როდესაც შენობის დატოვებას საავარიო გასასვლელიდან ცდილობდა. პოლიციის ცნობით, ერთ-ერთ მათგანზე ადრე დაპატიმრების ორდერი იყო გაცემული.
აღნიშნული კორპუსის შემოწმებისას, პოლიციამ დაახლოებით 15 კარზე, ჩარჩოს ზედა და ქვედა ნაწილზე მიმაგრებული წებოს ძალიან წვრილი ძაფები იპოვეს. პოლიციის ინფორმაციით, ეს არის ტექნიკა, რომელსაც ქურდები იმის შესამოწმებლად იყენებენ, გაღებულია თუ არა კარი, რითიც მესაკუთრეთა სახლში ყოფნას ადასტურებენ.
კომენტარები
Loading ...