იტალია „ასტრაზენეკას“ ვაქცინით მოქალაქეების აცრას განაახლებს

იტალია „ასტრაზენეკას“ ვაქცინით მოქალაქეების აცრას პარასკევიდან განაახლებს. ინფორმაციას „გარდიანი“ ავრცელებს.

გადაწყვეტილება იტალიაში მას შემდეგ მიიღეს, რაც ევროპის წამლის სააგენტომ ვაქცინა უსაფრთხოდ და ეფექტიანად გამოაცხადა.

ქვეყანამ „ასტრაზენეკას“ ვაქცინით აცრები ორშაბათს შეწყვიტა.

პარასკევიდან „ასტრაზენეკას“ ვაქცინაციის განახლებას გეგმავს კვიპროსი, ლატვია და ლიეტუვაც. მომდევნო კვირიდან კი, უკვე ესპანეთიც.