ისრაელში შესვლის უფლება არავაქცინირებულ ტურისტებსაც ეძლევათ

ისრაელი, 1-ელი მარტიდან ქვეყანაში შესვლის საშუალებას როგორც ვაქცინირებულ, ასევე არავაქცინირებულ ტურისტებს მისცემს, – ინფორმაციას Reuters-ი ისრაელის პრემიერ-მინისტრის ოფისზე დაყრდნობით ავრცელებს.

„ჩვენ ვხედავთ ავადობის რიცხვის თანმიმდევრულ შემცირებას, ასე რომ, დროა, თანდათან გავხსნათ ის, რაც მსოფლიოში პირველებმა დავხურეთ”, – განაცხადა პრემიერ-მინისტრმა ნაფტალი ბენეტმა.

ისრაელში შესასვლელად ორი „პისიარ“ ტესტის ჩატარება იქნება საჭირო: ერთი ქვეყანაში გაფრენამდე და მეორე – ქვეყანაში ჩასვლის შემდეგ.

ცნობისათვის, ამჟამად ისრაელში შესვლის უფლება მხოლოდ ვაქცინირებულ უცხოელებს აქვთ.