ისრაელის ქალაქ ბნეი-ბრაკში სროლას 5 ადამიანი ემსხვერპლა. თავდასხმა, რომელსაც პოლიციამ ტერორისტული აქტის კვალიფიკაცია მიანიჭა, 26 წლის პალესტინელმა დიაა ჰამარშეჰიმ განახორციელა. ის ებრაულმა პოლიციამ ადგილზე მოკლა.
ადგილობრივი მედიის ინფორმაციით, თავდასხმაზე პასუხისმგებლობა ამ დრომდე არც ერთ პალესტინურ დაჯგუფებას არ აუღია. ისრაელის პრემიერ-მინისტრმა ნაფტალი ბენეტმა მომხდარი სისხლიანი თავდასხმის შემდეგ განაცხადა, რომ მისი ქვეყანა „არაბული ტერორიზმის სასიკვდილო ტალღის წინაშე დგას“. მან გარდაცვლილების ოჯახებს მიუსამძიმრა და აღნიშნა, რომ დაჭრილებისთვის ლოცულობს.
„ტერორს რკინის მუშტით შევებრძოლებით. ჩვენ გავიმარჯვებთ“, – დასძინა ისრაელის პრემიერმა. ნაფტალი ბენეტი ქვეყნის უსაფრთხოების სამსახურის ხელმძღვანელებთან კონსულტაციებს გამართავს. თავდაცვის მინისტრმა ბენი განცმა განაცხადა, რომ ისრაელის უსაფრთხოების ძალები გამოიყენებენ „ყველა საშუალებას“ ტერაქტების სერიის დასასრულებლად.
Loading ...