ისანში ერთი პირის მკვლელობისა და რამდენიმეს დაჭრის საქმის ახალ დეტალები

თვითმხილველების ინფორმაციით, ისანში მომხდარ ინციდენტს წინ ურთიერთდაპირისპირება უძღოდა.როგორც “ინტერპრესნიუსს” მათ განუცხადეს, დაჭრილებს დაზიანებები ცივი იარაღით აქვთ მიყენებული.

გავრცელებული ინფორმაციით, დაპირისპირების დროს მამა-შვილი, ბიძა და კიდევ ერთი პირი დაჭრეს, თუმცა ბიძა გულმკერდის არეში მიყენებული დაზიანებების შედეგად გარდაიცვალა.

შემთხვევის ადგილზე ამ დრომდე საგამოძიებო მოქმედებები მიმდინარეობს, ტერიტორია ყვითელი ლენტით არის შემოსაზღვრული.

როგორც “ინტერპრესნიუსს” შსს-ში განუცხადეს, გამოძიება სისხლის სამართლის კოდექსის 108-ე და 19-109-ე მუხლით მიმდინარეობს, რაც განზრახ მკვლელობას გულისხმობს და განზრახ მკვლელობის მცდელობას დამამძიმებელ გარემოებებში.