ოზურგეთის დემოკრატიული ჩართულობის ცენტრში, გარემოსდაცვითი სათემო ორგანიზაცია „ეკოს“ დამფუძნებელმა ირმა გორდელაძემ პრესკონფერენცია გამართა.
პრესკონფერენციის თემა მდინარე ბჟუჟის ხეობაში ჰესების მშენებლობის საკითხი იყო.
როგორც ცნობილია, კომპანია „პარვუს ჯგუფი“ აღნიშნულ ტერიტორიაზე, სოფელ გომში ოთხი ჰესის მშენებლობას გეგმავს, რომლის სიმძლავრე 30 მგვ-მდე გაზარდა.
პრესკონფერენციაზე ირმა გორდელაძემ დამსწრე საზოგადოებას ის შენიშვნები და რეკომენდაციები გააცნო, რომელიც კომპანია „პარვუს ჯგუფის“ მიერ წარმოდგენილი სკოპინგის ანგარიშისა-შპს პარვუს ბასრა მდინარე ბჟუჟას ხეობაში ბასრა1, ბასრა2, ბასრა3, ბასრა4 ჰესების სიმძლავრეების გაზრდასა და ქსელზე დაერთების პროექტის სკოპინგის ანგარიშს ეხება. გარემოსდამცველი აღნიშნავს, რომ კომპანიის ანგარიშში პასუხი არ არის გაცემული ძალიან მნშვნელოვან კითხვებზე და იქამდე, ვიდრე მდინარე ბჟუჟის ხეობაში მშენებლობები დაიწყება, დამატებითი კვლევებია საჭირო. ირმა გორდელაძის თქმით, ამჟამინდელი სურათის მიხედვით, აღნიშნული ჰესები საფრთხისშემცველია, როგორც ეკოლოგიის, ბიომრავალფეროვნების დაცვის თვალსაზრისით, ისე სტიქიური მოვლენების შესაძლო განვითარების მხრივ. შესაბამისად, გარემოსდამცველი კომპანიისგან დეტალურ კვლევას და საზოგადოების ინფორმირებას მოითხოვს. წინააღმდეგ შემთხვევაში ორგანიზაცია ”ეკო” ამ საქმესთან დაკავშირებით კანონით დადგენილ ყველა მეთოდს მიმართავს.
ირმა გორდელაძემ საკუთარი შენიშვნები და რეკომენდაციები უკვე გააგზავნა გარემოს ეროვნულ სააგენტოში.
Loading ...